明报：叶翠翠自揭两度患抑鬱 爆孻仔及老公曾接连出事
前港姐冠军叶翠翠入行20年，婚后育有3名儿子，近日她接受资深传媒人汪曼玲访问，她直言自从当妈妈后，每天时间不够用，全力相夫教子之馀，又要工作，管理自家品牌，变相少了约朋友叙旧。
在访问中，叶翠翠自揭曾两度患抑鬱，她说：“第一次係生完第3个小朋友嘅3个月之后，因为我喺过去几年，生小朋友都好密，可能一个小朋友出世后，跟住几个月又有咗，个脑都未Ready，嗰阵生完小朋友就搬屋，好多嘢搞，搬嘢执嘢，突然间会发现自己无故坐喺度喊，係不自觉嘅，就算唔谂嘢都会喊，总之无端端就会喊，觉得好辛苦，人生冇意义，持续半年，去到最后时间，好规律地每一天到下午，小朋友瞓觉，我就入厕所匿埋锁门，坐地下喊：‘点解会咁㗎？’
喊一段好长时间，到家人放工我就离开厕所，好似冇嘢发生一样，去到最尾时候，攞埋啲轻生工具，谂好成个情节，打算轻生前2天，我坐喺度喊咗好耐，然后谂：‘如果我咁样走咗，我个仔会唔记得我’，然后又喺度喊，‘係喎，佢哋真係唔记得我喎，我做乜嘢呀？’生完佢哋后得到呢个病，然后决心行出厕所，我谂如果个状态多几日，我谂就唔得喇，好在真係尾二嗰日，听到咁嘅声音，要帮自己喇，唯一谂到就係做运动，但我唔愿意离开间屋，即刻买太空漫步机﹑健身单车，好快送到，坚持日日做运动1小时，做咗半年，真係咁样做运动走番出嚟，要自己帮自己先得，点样令自己走出嚟。
第二次就有一个经历，2年前，嗰经历就少少畀人呃咁，我信咗一个人，佢令我金钱上有重大损失，唔係一百几十万嘅嘢，係一个好庞大金额，嗰刻我心裡面好唔平衡，我好畀心机工作，但点解因为你嘅错，而令我有咁大损失，第一我要拎好多钱出嚟去搞番好件事，其间好大压力，嗰段日子做直播，一路做一路无端端喊，粉丝问我係咪心情唔好，喺嗰段日子，靠乜嘢出嚟？多谢粉丝陪住我直播，我个脑就话一定要直播，喊住都要直播，有坚持嘅心，直播都做唔到，我做到乜嘢呀？呢个心态带离开阴暗路，然后经历一段时间，个抑鬱喺我人里面。”
当翠翠走去抑鬱阴霾时，却发现孻仔有少许问题，当时他1岁零3﹑4个月，并非智商问题，但老公指她多疑，她说：“我嗰半年做运动，之后点解冇做，有个中医朋友嚟我屋企，见到我个仔真係有少少问题，叫我带佢睇医生，我即係约医生，第二日去睇，睇完已经係不能逆转地步，要即刻入院，一开始睇私家（医院），但私家帮唔到，要去政府（医院），之后排山倒淘治疗做手术，每天喺医院度过，然后我好自责，自己发瘟半年，不停做运动，医生话妈妈好彩锲而不捨，如果唔係冇㗎喇，然后要照顾佢。”孻仔现时变长期病患者，需经常进出医院。
当孻仔情况稳定下来，轮到老公出事，翠翠表示发现老公面色欠佳，叫他去医院检查，起初老公说自己没事，岂料验完后，医院立即叫老公入院，当时他入完是以月计，幸老公最后大步槛过。
