娛圈單打︱台上暖場獲拍掌 台下垂淚孤芳賞
話咁快，聲夢小天后炎明熹（Gigi）20歲女啦！生日前夕，Gigi去咗睇全城熱爆嘅英國樂隊Coldplay香港演唱會，回家之後深有感觸，自爆無啦啦哭咗出來，唔止坐喺度哭，就連沖沖吓涼一樣哭，真係我見猶憐！
因乜解究咁眼淺呀？Gigi都話唔知，究竟係睇完一場High爆嘅演唱會，回歸平靜不適應吖，定係踏入20歲不知所措，就留番粉絲慢慢琢磨。之但係，本欄就忽然有所聯想，會唔會係眼前曾被形容為「翻版炎明熹」嘅Marf
唔係本欄多心呀，而係兩女現時發展對比實在太過鮮明。Gigi甫參加《聲夢傳奇》，即以16歲之齡奪冠，前途無可限量。TVB亦悉心栽培，機會源源不絕，拿下不少新人獎項，2023年仲開咗首個個人演唱會添。每次出席活動，Gigi梗有一行人護駕，又化妝又Set頭又助手，待遇絕對係天后級別，羨煞其他同期出道嘅新人。
可惜吖，Gigi心比天高，希望有更廣闊嘅發展空間，拒絕加簽長約，結果即時遭到雪藏。唔止曝光率接近零，即使偶有活動，身旁護駕人員大減，就連娛樂新聞台都唔派人採訪，簡直係冰火兩重天！
反觀Marf，一直唔算係風頭躉，出道初期仲因為同Gigi一樣留齊蔭髮型，經常被人相提並論，而Gigi總會被睇高一線。點諗到風水輪流轉，家陣輪到Marf平地一聲雷，Gigi只能斯人獨憔悴。
Marf（右）任嘉賓成熱話，Gigi則自爆在家抹眼淚。
炎明熹[超话]
