朱敏瀚搞美國簽證疑跟陳曉華秘婚 5字回應網民送祝福
王敏奕大爆曾志偉72歲生日前必做一件事
朱敏瀚（朱仔）与王敏奕（Venus）今日（21/4）現身將軍澳電視城出席無綫新劇《虛擬情人》宣傳造勢活動。Venus表示：「其實今次劇集播嘅時間係好好嘅時機，因為我哋拍嘅時候都係喺兩年幾前拍，而喺呢兩年幾入面，世界對AI嘅認知係會越來越多，咁所以我哋嘅故事到出街時，大家就一定唔會陌生，同埋代入感都會好強，而且有好多外國嘅案例，係會拍拖拍到結婚，係會有好多呢啲愛情嘅故事。」
講到現今科技AI，朱仔表示：「我而家無論遇到有咩難題，我都會搵AI幫我解答難題，以前我係會上網查，但而家就唔使。就好似之前早兩個星期前，我要申請美國簽證，我就問AI可唔可以幫我模擬一下面試時嘅情況，AI完全係可以同我互動，犀利到而家仲可以用中文溝通。」
被問到申請美國簽證是否準確和陳曉華到當地秘婚？朱仔靦腆說：「其實我係同機管局佢哋去做啲嘢，因為拍咗飛機師嗰套劇。（有冇諗過到外地註冊結婚？）其實我就冇呢一個諗法，因為平時嘅工作都會搞一大堆嘅嘢，變咗到我結婚嘅時候，我就未必搞一個好大嘅婚禮，都想留返俾自己。」
對於近日有傳與陳曉華展開同居生活，朱仔表示：「其實嗰個唔係我住嘅地方嚟，而本身我係同媽媽一齊住。（有指2萬蚊租金你俾？）唔會啦，我都希望我有能力有錢租俾啲同事住。（新聞出咗會唔會為雙方造成壓力？）都唔會，因為都唔係第一次講，同埋都冇乜點影響到我嘅生活。」
曾志偉日前72歲生日，當晚與一眾圈中好友舉行盛大派對慶生，到賀者除了女兒曾寶儀、兒子曾國祥、媳婦王敏奕外，更有好友譚詠麟、鍾鎮濤、苗僑偉、錢嘉樂等等，場面星光熠熠。Venus表示：「生日禮物方面，我哋年年都係送上我哋最珍貴嘅時間去陪伴佢，例如早一日嘅齋宴，又或者生日我哋都會陪伴佢。反而物質上，我哋係好少送上。」
