【On.cc】謝霆鋒化身「人肉導航」 秘密預錄廣播寵粉
型男謝霆鋒啟德騷今晚（24日）揭開序幕，不少歌迷都前往睇騷朝聖，今日乘搭地鐵去啟德園更驚喜聽到霆鋒把聲，有歌迷開心到在月台上失控大叫，有人為此還坐多一轉，希望錄得霆鋒聲音，現場秒變歌迷會派對。
謝霆鋒化身「人肉導航」，為港鐵月台錄廣播。
認真寵粉！
有不少Fans乘機深情表白。
宋皇臺站與啟德站將隨機觸發彩蛋式廣播。
散場時段都暗藏驚喜。
港鐵月台突然傳來「鋒聲」，原來早前「鐵仔」公開召喚霆鋒，「邀請霆鋒喺啟德站同大家Say個Hi？」全城歌迷即留言轟炸式助攻激烈敲碗，有Fans乘機深情表白，「由細到依家都一直好鍾意你」，亦有歌迷點唱，「好想你唱《如果只得一星期》」，又有歌迷搞笑問到：「霆鋒係咪會睇到㗎⋯⋯」終以誠意打動霆鋒，秘密預錄站內廣播。由今日（24日）起至27日，宋皇臺站與啟德站將隨機觸發彩蛋式廣播，霆鋒化身「人肉導航」親聲引航：「記住係D出口，順住人群唔好《逆行》，咁就唔會遲到啦！」就連散場時段都暗藏驚喜：「大家唔使急，下班車好快到，快啲返去休息啦！」
綵排片段流出。
而昨日社交網亦流出謝霆鋒在啟德園綵排的片段，見他Chok爆彈結他，相當陶醉，不少粉絲都留言直呼期待！
谢霆锋[超话]
