明报：李佳芯曾为男友煎杂扒 唔觉有追求者 自认择偶条件简单
李佳芯（Ali）今天（6日）联同谢宁到观塘，出席慈善机构举办的母亲节活动，与一班病童制作蝴蝶酥，Ali自诩厨艺非常好，通常第一次炮制菜式，都有神来之笔不会失手，不过再下一次炮制，就会出现状况，可能太过有信心。
问以前可有为男友下厨？她笑称曾试过煎杂扒：“係咪好唔浪漫？只在乎心意，因为杂扒一定冇衰，加两滴豉油同白饭，就会好锺意食。”她认为不论男女，懂得下厨都会加分。问可有试过和厨师拍拖？她说：“冇，承你贵言啦！如果可以同厨师拍拖，都係一种福气，因为包保永远食到好嘢，如真係有厨师男友或老公，只要煮得好好食，我甘愿洗碗。”
问现阶段可有追求者？Ali则称也不知有没有：“真係唔觉眼，可能我学识整完蝴蝶酥就会有，我唔係要求好高，但又唔係完全冇要求，我只要求简单，但呢个世界愈简单愈难搵，缘分都唔能够强求，𠵱家先专注工作。”
Ali下月底起程到马来西亚，与黎诺懿合演的黑帮题材电视剧《义和》作准备，预计要拍摄2个多月，她透露角色很有气场，问可有亲热戏？她笑说：“喺《BB来了》仲未够亲热戏？呢方面唔係卖点，可能卖点係有气场地除衫。”
Ali表示每年母亲节，会相约家族中的妈妈聚会庆祝：“我觉得年纪愈大，要更珍惜家庭聚会，至于母亲节礼物，年年都係5位数现金走唔甩，礼物都需要实际，希望成立工作室之后目标，就係将之前停留喺在5位数，衝上6位数。”
