【On.cc】李珊珊搭鐵遇變態色魔 遭對方用下體掃手
藝人李珊珊最近復出經營網上節目，日前一集她忽然自爆曾搭港鐵時，慘遭變態色魔非禮！她憶述事發經過，指：「試過中學（搭車時）挨玻璃門背書，好專心背書時，突然間有嘢喺度掃我隻手，跟住我隻眼望一望，見到有個男士向住我，佢着住條好短嘅短褲，伸出咗佢『弟弟』個頭出嚟掃我隻手，我講真嘅，嘩！我嗰時係I人，真係唔識得畀反應！」她自言當時受驚過度，嚇到連手上的書都跌落地，反應太大令變態男急急逃走。
她續指之後再度遇上變態男，決定奮起反抗：「第二次又喺鐵入面追住我，我嗰陣時只係識驚唔識得嗌，我係咁逐卡車跑，終於見到有人起身，我坐落去，希望佢唔好追住我，點知佢坐埋我隔籬，我唔識畀反應，我驚咗都估有十幾秒，然後我好大反應企咗起身，跟住成架車啲人就即刻望住佢。因為見到一個着校服嘅人，突然間一嘢咁彈起身，緊係知道有問題啦！佢知道我識反抗，我就冇再見到呢個人」，她認為對方是慣犯，專揀內向獵物下手。
李珊珊自爆曾搭港鐵時遇變態色魔。
對方竟用下體掃其手。
幸好她反應夠大，嚇走色魔！
李珊珊[超话]
