【On.cc】江嘉敏首演音樂劇 緊張到腳震
藝人江嘉敏離巢無綫後首演的音樂劇昨晚舉行第一場，而今晚會再次做第二場的她，接受東網獨家訪問時坦言給自己昨晚的表現80分，嘉敏謂：「尋晚真係人生第一場音樂劇，我係真係好緊張，我喺台後面真係腳震，上到台上面好多觀眾都留意到我好緊張，個面部表情梗晒，但唱到一段之後狀態OK，觀眾都估唔到我演得唱得跳得，咁演戲方面自己都做咗10年，有一定經驗嘅，佢哋畀我最高分係演戲，但估唔到第二高分係跳舞，因為同台合作嘅都係專業舞台劇演員，佢哋好犀利，但都畀我85分，聽到呢個分數好開心，但要再練習，因為都聽到專業同業餘嘅分別。」她又表示好感動看到很多朋友專登買飛入場捧場：「佢哋話今次客串10分鐘唔夠喉，我今晚一定會有進步，唔會再畀觀眾見到我緊張。」
樣靚身材正。
江嘉敏首次演出音樂劇，直言好緊張！
演得唱得又跳得！
江嘉敏離巢後，工作不斷。
認真犀利。
江嘉敏[超话]
